كل ام لها ادعيه معينه يتربون عليها اليهال ودايما يسمعونها
من ضمن ادعيه امي الي لما كبرت وايد حبيتها
(الله يحبب خلق الله فيكم )
( الله يسخر لكم عبيده )
( الله يسخر لكم عبيده )
(الله يحسن خُلقكم مثل ما حسن خَلقكم )
كبرت وعرفت ان
تربيتي
اخلاقي
شخصيتي
اسلوبي
عايلتي وأهلي
اسلوبي
عايلتي وأهلي
حياتي بكل تفاصيلها
بنقاط فشلها قبل نقاط قوتها
اهيا ريشتي ربي لك الحمد
لكن الي يشك بنفسه من كلامي
ويقتبس كلماتي وعباله ماسك علي ممسك
ومستانس فيه
هذا علي راسه بطحه
مريض الله يشافيه ويعافيه
حياته ناقصه ويحاول يمليها موعارف شلون
الله مقسم الارزاق ويمكن في امور مانعها عن الشخص لانها خيره له
يمكن حياته احسن بدونها
يمكن حياته كامله وناجحه بدونها
ان غيري عنده هالشي مو معناته فشل لي ونجاح حقه
والمفروض يا اهل البطحه انتوا اكثر ناس فاهمين هالنقطه وفاهمين موضوع كتبة رب العالمين
لكن كل يوم عن يوم ابتسم واحمد ربي ان ريشتي ذابحتهم
يرقعون صورتهم حق الي حواليهم بكل الطرق ، لكن بينهم وبين نفسهم الله يعلم بحالتهم وعساهم بهالحاله واردي
عشان جذي
رايي عمره ماراح يتغير فيكم وصورتكم كل مالها وتوضح ملامحها
ما اكرهكم ياأغبية لاني مو هذي شخصيتي ولا تربيتي
ما عمري بحياتي تمنيت حياه مثل حياتكم لانها فاشله بوايد مقاييس للاسف مو قاعدين تصلحون اساسياتها
بالنهايه ترا
لاتضروني ولا تفيدوني
بس اتمني من قلبي ان حياتكم تكون احسن من جذي حق نفسكم مو حق احد
ليست هناك تعليقات:
إرسال تعليق