أحبتنك أكثر مما ينبغي.....

أحببتك أكثر مما ينبغي.....

رواية لأثير النشمي

في كل فقرة من صفحاتها أسرح وأفكر

أتخيل موافق مريت فيها وأشوف نفسي بين سطورها

رأيي وأفكاري الي ما أصارح حتى نفسي فيها لما كنت بذاك الموقف

أشوفها مكتوبه بوضوح تام

كلمات المصفصفة عورت قلبي

أحسها مكتوبه من مخي أنا مو من مخ الكاتب

دايما أكتب تعليقاتي على هوامش بعض الروايات

اما فهذي ..... فكل فقرة لي معاها هامش أو كلمة

قالت ( أشعر أحيانا وكأنك لم تحبني يوما .....أفهم جيدا بأنك تحب حبي لك ..... )

أعلق دائما بالفصحي على الكتاب نفسة

بس هني بهالسطر وقف قلمي

احتجت أن اعبر بلغتي العامية :)

صدمتني هذي الجملة ، أول مرة اعترف اني ماعرف أحب أو ولا عمري جربت أحب ، مشاعر الحب نفسها ماعرف شلون صايره

طبعا ما اقصد الحب للأمي أو لبنتي أو للعايلة والصديقات )

اتكلم عن الحب والعشق والهيام

الحب يعني ان لما يكون في شخص بحياتج تفدينة بعمرج من كثر ماتحبينة

أوكي يمكن مريت بفتره بأني أحب كوني كنت متزوجه

بس الحين الحين لو ادخل هذاك الحب بمجهر

أقول اني ماجربت الحب الصجي

كان حبي سطحي أو بسيط

كان حب تعود وتأقلم

كان حب للاستقرار والحفاظ على الأسرة

لكن اني أحب هالشخص لأني ماقدر أعيش بدونه .... لا ماعندي هالشي

الحب فيزيا ( لكل فعل ردة فعل "مساوية" له في المقدار و"معاكسة" له في الاتجاه )

إذا مالقينا حق اهلحب مقابل

مستحيل يزيد أو يكبر

دايما أحب يكون عندي هدف أو غاية حتى بمشاعري
حتى وناستي لما احللها دايما يكون فيها هدف أو مصلحة حتى لو بسيطه

ابتسامتي وضحكتي هذا هدف

راحتي وسعادتي هذا هدف

استقراري النفسي هذا هدف

يعني بالنهاية مشاعري وتصرفاتي دايما عشان اوصل لهدف فية رضاي أنا

أشوف الحب شي صعب إن الواحد يوصل له ، الحالات الوااايد بالمجتمع دايما فيها تمثيل ونفاق ولو الواحد يقعد بينة وبين نفسة نادر مايقول اي صج صج انا احب مرتي أو احب فلانة أو فلان .

احنا كمجتمع كويتي كشخصيات تربينا بنفس البيئة تنطبق علينا فقره هالكتاب

احنا نعجب بالشخص ونعجب بمواصفاته

احنا مانحب الشخص كشخصة وأطباعه

احنا نحبة لان تعودنا علية

احنا نحب اهتمامه فينا

احنا نحب حبة لنا

عشان جذي أغلب المتزوجين إذا مو كلهم دايما عقب 4 أو 5 سنوات

يكون في فاصل بحياتهم

يا انهم يتعبون من بعض ويتطلقون

او يتعبون من بعض لكن متعايشين وواصلين لبيئة مشتركة بالنص وأغلب المتزوجين عايشين هالمرحلة الي اهيا التعود

أو انهم ينتقلون لي مرحلة حلوة تغيرت فيها أطباعهم وتناسقت ، انهم اكتشفوا الحين انهم صج يحبون بعض ، إنهم ويضيعون بدون بعض  ، وان هالحب غير عن الحب التمثيلي الي كان في بداية حياتهم
والاغلب يحوش الي ماعندهم مسئوليات حياة كبيره أو مشاكل مادية أو يهال وايد
أو لما كل واحد متمسك بأطباعه ومو راضي يتنازل شوي عشان تمشي الحياة

الحين عرفت وتأكد وأصريت زيادة على رايي

قلبي مغلق حتى إشعار اخر

لاني يا إني ألقا شخص يفهم شلون يحب مو يحبني كردة فعل لاني أحبة فيحب حبي لة

أو أني اقعد مريحة بالي وحابة نفسي ومدللتهاا مثل ما أبي لاني أشوف أن الحب بذاتة مو شي ناقصني ومخلي بحياتي فرية تسوى إني أبي امليها

:)