حين اكتب بحب ..

بالسابق كنت اعتقد ان من  الصعب علينا ترجمة مشاعرنا باحرف وكلمات 📝

خصوصا مشاعر الحب والاعجاب❣

 

لكني عرفت الان واقتنعت بانه  يجب ان لا اكتب الا هذه المشاعر👍🏼💕

 

بطبعي..

احب ان اكتب عن من احب

عن كيف احب

وحاجتي وسعادتي بهذا بالحب💌💔💔

 

وعند الغضب

فضلت الابتعاد عن القلم

عن الخوف

عن الألم

عن الكره

ليس لصعوبة الحدث

او لعدكم وجود الكلمات

بقدر خوفي من ثبات تلك

المشاعر💔

 

الكتابة تساعد على استرجاع الحدث بكل تفاصيله

 

لذا لا احب ان اكتب حين أعتب

أو اكتب حين أبكي

أو اكتب حين اخاف🌪

 

تكرار كتابة الاحزان ترهقني

تذكرني بكل التفاصيل التي تناسيتها حتي نسيتها بالفعل ...❣

ترجعني لتلك المشاعر ... 

فأكره

واحقد ... 

ويتعب قلبي ..

فاغضب ...

عندها ابتعد عنهم وحتي لو كنت احبهم  .. لعلي ارتاح ...❣

 

بسبب قلم✏️

بسبب حرف📍

بسبب غشاوه غضب كانت على عيني📌

بسبب سوء فهمي أو غلط في تفسير نويا من حولي

 

تركز ذاك الشعور المزعج الذي سيرجع كلما قرأت ماكتبت ....💔

 

لذا دايما أقول الحمدلله على نعمه النسيان

 

لي ...

ولحياتي ..

ولذكرياتي ....

ولراحه قلبي ....

 

ساكتب عن من احب

سأكتب عما أحب

سأكتب أفكاري وقناعاتي التي أحب ..❤️

 

فقط

وأترك مشاعر الحقد والغضب ... للنسيان ..

 

 

 

 

لم تكتمل الفكره ... بس مايمنع 😉

توني خالصه من روايه وليد الرجيب

عاديه جدا جدا يكتبها واحد بالثانويه توه يكتب

بس الي عطاها حلاوه شي واحد

المشاعر الي فيها صعب الواحد يكتبها واهوا قدر يكتبها

شفتي لما مخي يوقف وماقدر اقول الي احس فيه ( اهوا قدر يكتبه بالحرف الواحد)

يعني

 وانا اقرا حسيت كل عقلي يقول صح صح صح

هالشي عمري ماعرفت اقوله ولا اكتبه بس هالمره صح

جذي كنت احس

 شرح فكره علاقه محد راضي يفعمها او مفهومه بس محد يناقشها او يعترف فيها

 اهيا علاقه غريبه 

تكون بين الصداقه وبين الحب

بالنص

مادري ليش تتعلق بهالشخص الي جدامك 

ليش تغار عليه

مع انك ماتبي ترتبط فيه

ولا تبي تكون مجرد صديق عادي معاه

هذي الي بالنص شي معلق نادر ما الطرفين يفهمون انهم بالنص

دايما واحد منهم يا يتمادا يا يحولها الي  

(علاقه عابره)

او ان ينهي العلاقه نهائيا

صعب التعايش مع هالمرحله الي بالنص

تكون اقل من العشق والارتباط

واكثر من الصداقه

عشان جذي

لازم كل علاقه تاخذ حاصلها بالوقت

صداقه ... خل تاخذ وقت ومايمنع تكون فيها حدود

خطبه .. خل تكون طويله

ملجه .. خل تكون بطيئه ليما يفهمون بعض

نقطه ... 

كتبت ماسبق في مايو/٢٠١٤

ولم اكمل سرد الفكره .. 📝

ونشرتها اليوم 

لدرجه اني ناسيه اسم الروايه الي كنت اتكلم عنها 😳🙈

حلطومه صغيره جدا .. 💔

اللَّهُمَّ إِنِّي أَسْأَلُكَ الثَّبَاتَ فِي الْأَمْرِ، وَالْعَزِيمَةَ عَلَى الرُّشْدِ، وَأَسْأَلُكَ مُوجِبَاتِ رَحْمَتِكَ، وَعَزَائِمَ مَغْفِرَتِكَ، وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْبَاً سَلِيمَاً"

لاني داعيه

ولاني دينه وملتزمه

ولاني مسمسه

بس حولي وايد بنات قطوا حجابهم

ومازلت احبهم

واحترمهم

وليما الحين من اعز صديقاتي

بس بقول هالكلام من قناعتي الشخصيه

واطلب من الله ان يثبتني

وبقول رايي بالحجاب

☝🏻️كل واحد حر بحياته

كلنا عندنا أثام

وعندنا معاصي نسويها يمكن بدون مانحس

✋🏼بس نحاول كثر مانقدر ان نحط الله بين عيونا ..

ونطلب من الله الثبات🙌🏼💕

ونحاول نزاحم معاصينا بالاشياء الزينه كثر مانقدر👼🏼

برايي احنا مجتمع تربا ان يخلط العادات والتقاليد بالدين 

لو بعدد المعاصي الي نسويها يوميا

بكون الحجاب شي بسيط يمهم

حف الحواجب

اللبس التقصمل

ناس يحرمون البنطلون

غير الحش

والخ..

بس بالمجتمع تعودنا ان نحكم بالحجباب 

ونغمض عن الباجي للاسف🙈

لو بتطلع قذلتي

او لو بمر جدام ريال بدون حجاب بحفله ولا بمكان

لو قاعده عالبحر ونص ذراعي طالعه ..😩

وفي بنات يقطون حجاباتهم بسفر مثلا ..

كلهم اشياء يمكن مرينا فيهم بيوم

وكلهم يندرجون تحت قطه الحجاب

بس عقبها اتحسف واستغفر ..😢💔

(كل ابن آدم خطاء وخير الخطائين التوابون )

كل واحد بحط راسه عالمخده وبحاسب نفسه 

مو ناطر احد يحاسبه

بس شرط ان مايكابر عالحرام !

ويقولي الحجاب مو فرض !

✨كلنا ندري ودارسين هالشي وتربينا عليه

...

كل الي علينا ان

نطلب من الله المغفره والعفوو🌾

ونجتهد كثر مانقدر ان نزاحم المعاصي بالطاعات

محد مسمسم

بس هم مايصير ادعي حق احد بالاثم😳

اني اقوله إِنْ شاءَ الله تذوق الخمر مثلا

ولا انشاءالله تقطين حجابج

مايصير😡

الواحد يالله يعابل بآثامه

عشان يعزم الناس وياه ويشيل ذنبهم 😳🙈

فونش 😒

كن جداً لها .. فهذا يكفي

عشت الأبوه مده طويله 

ربيت ابنائك بما يناسبك .. بما تراه انت صحيح .. ولم يجبرك احد على طريقه معينه

اخترت اسلوب ترربيتهم بقرار مشترك مع شريكه حياتك 👨👩👧

اسلوب جيد ! سيئ ! او ممتاز ....  

لك وحدك التقيم 👎🏼👍🏼

هم بلغوا ذاك السن...

واختار كل منهم حياتة👱🏼

عندها..  اصبح دورك المشرف👴🏼

لا تنقيصا من قدرك

بل على العكس

حان وقت الراحه ... حان وقت حصد النتائج ... حان وقت رد الجميل ....💕

هنيئا .... 

لك الآن أحفاد👭

ستقر عينك برؤيتهم حولك

ستفرح بزياتهم

ستحبهم اكثر من آبائهم

فهذا الشئ فطري لاخلاف عليه💗

لكن مثل ماقمت بتربيت ابنائك بمنهجك ...

دع لهم الحريه باختيار منهجهم

الله لاينسى عبده .. ولله في خلقه شئون🙌🏼

قرار بين الاب والام فقط ... ☝🏻

لاتتعب نفسك فدورك الآن أجمل

استمتع بزياتهم👴🏼👶🏼👧🏼

بالحديث معهم😘

بنقل القصص لهم والذكريات📚

عش كجدهم فقط

لاتتعب نفسك بأخذ دور اضافي على دورك فهذا لن يفيد 

بل على العكس سيتعبك ويتعبهم

التربيه بين الام والاب فقط

حين يعجز احدهم او ينسحب ...

فهذا اختبار للطرف الاخر

وأجر مضاعف له ان يقود التربيه بدور مزدوج

دع الحياه تمضي بما قدره الله

ولا تكن انت حملا اضافيا ...! 

كن جدا لها فقط ... لان دور الأب لن يكون لشخص غيره بنظرها 

الحب المشكل

قندور الحب

مخلط ...

وفيه وايد انواع مكسرات
منها اشياء نحبها ومتعودين ناكلها ومتآلفين معاها

بس مرات تجذبك ذيج الحبه المفتوحه الي نشوف داخلها

بينك وبين نفسك تقول : (وااااو من لونها الي مبين انها تشوق )
فاسحبها واكلها اول وحده 

بس النتيجه تطلع ان طعمها خايس :)
وفيها حزوره من داخل ويمكن فيها دود بعد ....

بس ليش هذا كله ماشفناه ؟
لانها بهرجت نفسها زياده عن اللزوم الي خلتنا نصدق انها الاحسن وانها المثاليه

نسينا ان باجي الحب يمكن يكون احلي وانطع منها بس مابين عليهم ولا تكلمو ولا سوو شو عشان يثبتون انهم الاحسن ....

ومنها نقيس قندور الحب على حياة الي حوالينا ....

تم 

صباح المراجعه

التكرار يعلم الشطار

عشان جذي دايما لما اكتب شي بمخي ارد بين فتره والثانيه اقراه

اتذكر مشاعري الي كتبت فيها ، اتذكر شلون كنت افكر وشلون واجهت الموقف وشنو الحين فرق معاي

اعتبر حياتي سلم صاعد الحمدلله 

اذا ما كانت خطوه تتحرك لي جدام فهي خطه ثبات ودراسه الوضع واستقرار ❤️

دورت البلوق وحاولت ارجعه وارجع اكتب فيه … نوع من انواع الثربي يمكن …مادري المهم ماني خسرانه شي

مستشاريني ✨

أبرز النقاشات في كل تجمع معاهم

نقاش عن الزوجة الثانية ( حلال ، حرام  ونظره المجتمع لها

نقاش عن الخيانة وأسبابها من الطرفين

نقاش عن الهرم واكتمال المرحلة في كل عمر وانتقالنا للمرحلة العمرية الي بعدها

تكوين النفس

الدخل المادي وشلون يأثر على العلاقة بين الريال ومرته اذا ما كانوا متفاهمين

شوي سياسه بس انا دايما اسكت لأني ما حب التمسك بالراي فيها فاستسلم واسكت

دكاترة التجميل

دايما نذكر بالخير خواتنا المنافقات الي مرة علينا بحياتنا وابرز تفاهات حياتهم وتطوراتها السخيفه  وندعي لهم بالهداية 

ونخطط حق سفرة في نهاية التجمع ونشرب اخر استكانة جاي

ونروح نكمل احلامنا بالبيت